«Атлетико» Диего Симеоне билан шартномани узайтириш бўйича келишувга эришди
Мадриднинг «Атлетико» клуби жамоа бош мураббийи Диего Симеоне билан амалдаги шартномани узайтириш борасида музокаралар ўтказди. Бу ҳақда AS нашри хабар бермоқда.
Симеоне ва «Атлетико» раҳбарияти жорий мавсум якунлангач, ўзаро ҳамкорликни яна бир йилга узайтириш бўйича янги келишув имзолашга тайёр эканликларини тасдиқладилар.
Аввалроқ, қишки трансфер ойнасидан сўнг Симеоне ва клуб спорт директори Матеу Алемани ўртасидаги муносабатлар ёмонлашгани фонида, мутахассисга Миланнинг «Интер» клуби томонидан қизиқиш борлиги ҳақида хабарлар тарқалган эди.
Эслатиб ўтамиз, Диего Симеоне 2011 йилнинг декабрь ойидан буён Мадрид клубини бошқариб келмоқда. Унинг қўл остида «матрасчилар» икки бор Испания чемпиони бўлишди ва икки марта Европа Лигаси ғолиблигини қўлга киритишди.
