«Атлетико» ЧЛда АПЛ жамоаларига қарши сафардаги сўнгги бешта ўйинда мағлуб бўлди
“Атлетико” Лондонда бўлиб ўтган УЕФА Чемпионлар лигасининг 2025/2026 йилги мавсуми ярим финал жавоб ўйинида “Арсенал”га 0:1 минимал ҳисобида мағлуб бўлди. Шу тариқа, Мадрид клуби Англия жамоаларига қарши сафар ўйинларидаги мағлубиятлар сонини кетма-кет бештага етказди.
Хусусан, асосий европокубокнинг жорий мавсумида “матрасчилар”, “тўпчилар”га қарши кечган ўйиндан ташқари, 1/8 финал жавоб ўйинида Лондонда “Тоттенхем Хотспур”га (2:3) мағлуб бўлган, шунингдек, ЧЛ умумий босқичида Англияда бўлиб ўтган баҳсларда “Арсенал” (0:4) ва “Ливерпул”дан (2:3) ютқазган. Шунингдек, “қизил-оқлар” 2021/2022 йилги мавсум ЧЛ 1/4 финалининг биринчи ўйинида сафарда “Манчестер Сити”га (0:1) мағлуб бўлган.
Таъкидлаш жоизки, “Атлетико” УЕФА Чемпионлар лигасида Англия жамоаларига қарши ўтказилган сўнгги 14 ўйиннинг фақат 2 тасида ғалаба қозонган
