«Атлетико» Альваресни қайси клубга сотмоқчи экани маълум бўлди
Унга АПЛдан таклиф бор.
ФОТО: Getty images
“Атлетико” раҳбарияти ҳужумчи Хулиан Альваресни келажаги бўйича янги стратегияни белгилаб олган.
COPE манбаси тарқатган маълумотга кўра, клуб аргентиналик футболчини “Барселона”га сотмоқчи эмас.
Манбага кўра, Альварес учун асосий йўналиш сифатида “Арсенал” варианти устувор деб қаралмоқда.
Қайд этилишича, эҳтимолий келишув вариантларидан бири — алмашув трансфери.
Унга кўра, Альварес Лондон клубига ўтади, эвазига эса “Атлетико” 40–60 миллион евро миқдорида тўлов ва швед ҳужумчиси Виктор Дьёкерешни қабул қилиши мумкин.
Бу эса мадридликларга мураббийлар штаби талабларига мос марказий ҳужумчини қўлга киритиш имконини беради.
