«Atletiko» Alvaresni qaysi klubga sotmoqchi ekani ma’lum bo‘ldi
Unga APLdan taklif bor.
ФОТО: Getty images
“Atletiko” rahbariyati hujumchi Xulian Alvaresning kelajagi bo‘yicha yangi strategiyani belgilab oldi.
COPE manbasi tarqatgan ma’lumotga ko‘ra, klub argentinalik futbolchini “Barselona”ga sotmoqchi emas.
Manbaga ko‘ra, Alvares uchun asosiy yo‘nalish sifatida “Arsenal” varianti ustuvor deb qaralmoqda.
Qayd etilishicha, ehtimoliy kelishuv variantlaridan biri — almashuv transferi.
Unga ko‘ra, Alvares London klubiga o‘tadi, evaziga esa “Atletiko” 40–60 million yevro miqdorida to‘lov va shved hujumchisi Viktor Dyökereshni qabul qilishi mumkin.
Bu esa madridliklarga murabbiylar shtabi talablariga mos markaziy hujumchini qo‘lga kiritish imkonini beradi.
