«Атлетико» 2017 йилдан бери илк бор Чемпионлар Лигаси яримфиналида иштирок этади
«Атлетико» УЕФА Чемпионлар Лигаси чорак финал жавоб учрашувида «Барселона»га 1:2 ҳисобида имкониятни бой берган бўлса-да, умумий ҳисобдаги устунлик (3:2) эвазига 2016/2017 йилги мавсумдан бери илк бор мусобақанинг яримфиналига йўл олди.
2016/2017 йилги мавсумнинг чорак финалида «матрасчилар» «Лестер Сити»ни мағлуб этган (1:0, 1:1), бироқ яримфиналда ўша йили турнир ғолиби бўлган «Реал»га имкониятни бой берган эдилар (0:3, 2:1). Жорий мавсумнинг яримфиланида Диего Симеоне жамоаси «Арсенал» ҳамда «Спортинг» жуфтлиги ғолиби билан куч синашади.
Маълумот учун, 1/8 финал босқичида каталонияликлар икки ўйин натижасига кўра «Ньюкасл»ни 8:3 ҳисобида доғда қолдирган эдилар. «Атлетико» эса худди шу босқичда «Тоттенхем»дан устун келган (умумий ҳисоб — 7:5).
