«Астон Вилла» Троссардни ўз сафига қўшиб олмоқчи
Фото: Getty Images
"Арсенал" клуби вингери Леандро Троссард "Астон Вилла" қизиқишлар доирасида. Бу ҳақда The Athletic хабар берди.
Манбага кўра, Бирмингем клуби "канонирлар"дан бельгиялик футболчининг эҳтимолий трансфери шартлари ҳақида музокара ўтказди.
30 ёшли футболчи келаси йили тугайдиган шартномаси фонида "Арсенал"ни тарк этиши билан боғланмоқда.
Transfermarkt экспертлари баҳосига кўра, Леандро Троссарнинг трансфер нархи 22 млн еврони ташкил қилмоқда. Ўтган мавсумда футболчи барча мусобақаларда Микель Артета жамоаси сафида 56 та ўйинда ўнта гол урди ва шунча голли узатмани амалга оширди.
Баҳром Бобонов
Редактор
