«Астон Вилла» тарихидаги энг қиммат 10 та трансфер
«Астон Вилла» яқинда ўз тарихидаги энг қиммат келишувни амалга оширди. Клуб Йохан Манзамбини сотиб олди. Ортидан Жоао Гомеснинг трансферлари ҳам қўшиб қўйди. Сўнгги бир неча йил ичида Унаи Эмери бошчилигида «Астон Вилла» Премьер-лиганинг энг катта маблағ сарфлаётган клубларидан бирига айланди. Чемпионлар лигасида мунтазам иштирок этишни мақсад қилган клуб таркибни юқори савияли футболчилар билан кучайтиришга катта эътибор қаратмоқда.
1. Йохан Манзамби
Сумма: 60 миллион евро
Мавсум: 2026/27
Келган клуби: «Фрайбург»
Швейцариялик иқтидорли ярим ҳимоячи клуб тарихидаги энг қиммат трансферга айланди. Манзамби учун «Ньюкасл» ҳам курашган бўлса-да, футболчи якунда «Астон Вилла» лойиҳасини танлади. У марказий ярим ҳимояда универсаллиги, техник маҳорати ва ҳужумга қўшилиш қобилияти билан ажралиб туради.
2. Амаду Онана
Сумма: 59,4 миллион евро
Мавсум: 2024/25
Келган клуби: «Эвертон»
Белгия терма жамоаси футболчиси узоқ вақт давомида клубнинг энг қиммат трансфери бўлиб турган эди. У кучли жисмоний тайёргарлиги, тўпни олиб қўйиш маҳорати ва марказдаги барқарор ўйини билан жамоанинг муҳим футболчисига айланди.
3. Мусса Диаби
Сумма: 55 миллион евро
Мавсум: 2023/24
Келган клуби: «Байер»
Франциялик қанот ҳужумчиси тезлиги ва дриблинги билан машҳур. У жамоанинг қарши ҳужумларида асосий қуроллардан бири бўлиб хизмат қилди.
4. Иан Маатсен
Сумма: 44,5 миллион евро
Мавсум: 2024/25
Келган клуби: «Челси»
Ҳужумкор чап қанот ҳимоячиси Германиядаги муваффақиятли ижарадан кейин тўлиқ трансфер асосида «Астон Вилла» сафига қўшилди. У ҳужум ва ҳимоя ўртасида мувозанатни таъминлайдиган футболчилардан бири ҳисобланади.
5. Жоао Гомес
Сумма: 40 миллион евро
Мавсум: 2026/27
Келган клуби: «Вулверхэмптон»
Бразилиялик таянч ярим ҳимоячиси 34 миллион фунт стерлинг ва бонуслар эвазига харид қилинди. У юқори ишчанлиги, прессингдаги самарадорлиги ва тўпни қайтариб олиш кўрсаткичлари билан Премьер-лигада энг яхши ярим ҳимоячилардан бири сифатида баҳоланади.
6. Эмилиано Буэндия
Сумма: 38,4 миллион евро
Мавсум: 2021/22
Келган клуби: «Норвич Сити»
Аргентиналик плеймейкер Чемпионшипдаги ёрқин ўйинидан кейин катта маблағ эвазига харид қилинди. У ижодкорлиги ва голли узатмалари билан жамоага катта фойда келтирди.
7. Олли Уоткинс
Сумма: 34 миллион евро
Мавсум: 2020/21
Келган клуби: «Брентфорд»
Бу трансфер клуб тарихидаги энг омадли харидлардан бири ҳисобланади. Англиялик ҳужумчи кейинчалик Премьер-лиганинг энг самарали форвардларидан бирига айланиб, «Астон Вилла»нинг Европа мусобақаларига чиқишида ҳал қилувчи роль ўйнади.
8. Пау Торрес
Сумма: 33 миллион евро
Мавсум: 2023/24
Келган клуби: «Вильярреал»
Испаниялик марказий ҳимоячи Унаи Эмерига яхши таниш футболчи эди. У тўп билан ўйнаш ва ҳужумни орқадан бошлашда жамоанинг муҳим фигураларидан бири бўлди.
9. Леон Бэйли
Сумма: 32 миллион евро
Мавсум: 2021/22
Келган клуби: «Байер»
Ямайкалик қанот ҳужумчиси тезлиги ва индивидуал маҳорати билан рақиб ҳимоячиларини доимий босим остида ушлаб туради. Кейинги мавсумларда у жамоанинг етакчиларидан бирига айланди.
10. Диего Карлос
Сумма: 31 миллион евро
Мавсум: 2022/23
Келган клуби: «Севилья»
Тажрибали марказий ҳимоячи Испаниядаги муваффақиятли фаолиятидан кейин Англияга кўчиб ўтди. Илк мавсумдаги жароҳатларга қарамай, кейинчалик ҳимоянинг муҳим бўғинига айланди.
