«Астон Вилла» Санчо билан келишувга эришди
Фото: Getty Images
"Манчестер Юнайтед"нинг қанот ҳужумчиси Жейдон Санчо яқин соатлар ичида Премьер-лиганинг бошқа клубига ўтиши мумкин. Бу ҳақда журналист Дэвид Орнштейн маълум қилмоқда.
Манба хабар беришича, "Астон Вилла" 25 ёшли вингернинг бир йиллик ижарасини "Манчестер Юнайтед" билан деярли келишиб бўлган.
Футболчининг маошини ҳам бирмингемликлар тўлашга рози. Фақат тиббий кўрикдан ўтиш жараёни қолди.
Санчонинг “Манчестер Юнайтед” билан амалдаги битими 2026 йилнинг ёзига қадар мўлжалланган.
Эслатиб ўтамиз, Жейдон ўтган мавсумни “Челси”да ижара асосида якунлаганди.
Розикжон Султонмуродов
Журналист