«Астон Вилла» Рожерс билан шартномани узайтирди

“Астон Вилла” клуби ярим ҳимоячи Морган Рожерс билан шартномани янгилади. Бу ҳақда клуб расмий сайти хабар берди.

Футболчи билан тузилган битим 2031 йилгача амал қилади. Шу билан бирга, унинг маоши ҳам оширилади. Морган 2024 йил бошида "Астон Вилла"га кўчиб ўтганди.

Шу тариқа, бирмингемликлар яқин ҳафтада учинчи ўйинчиси билан келишувни узайтиришга муваффақ бўлди. Бунга қадар Кэш ва Макгинн билан ҳам шартнома муддати узайтирилганди.

Маълумот учун, Рожерс ўтган мавсум АПЛнинг энг ёш футболчиси, деб топилганди. У чемпионатда 8 та гол уриб, 11 та ассист амалга оширган.

Розикжон Султонмуродов

Журналист