«Aston Martin» компанияси 2026 йилги Formula 1 автомобилини тақдим этиш санасини эълон қилди
Қайд этилишича, ушбу болидни Fernando Alonso бошқаради.
ФОТО: Getty Images
Британиянинг Formula-1 жамоаси «Aston Martin» ўзининг янги AMR26 болиди тақдимоти санасини эълон қилди.
Жамоа матбуот хизмати маълумотига кўра, машина 2026 йилги мавсум учун ишлаб чиқилган ва унинг тақдимоти 2026 йил 9 феврал куни бўлиб ўтади.
AMR26 устида машҳур британиялик конструктор, 66 ёшли Эдриан Ньюи ишлаган. У 2026 йилги мавсумдан бошлаб жамоага раҳбарлик қилади ва техник ҳамкор — бош муҳандис сифатидаги лавозимини ҳам сақлаб қолади.
Келаси мавсумда AMR26’ни 44 ёшли испаниялик пойгачи, икки карра Formula-1 чемпиони Fernando Alonso ҳамда жамоа эгаси Лоуренс Строллнинг ўғли, 27 ёшли канадалик Ленс Стролл бошқаради.
Насрулло Каримов
Журналист