Аспиликуэта \"Атлетико\"ни тарк этади
Фото: Getty Images
Мадриднинг “Атлетико” ҳимоячиси Сезар Аспиликуэта клублар ўртасидаги жаҳон чемпионатидан сўнг жамоани тарк этишини маълум қилди.
Сезар “матрасчилар” билан турнирда иштирок этади. Мадридликлар билан чемпионликни қўлга киритишга умид қилмоқда.
Ҳимоячи келгусидаги фаолиятини катта эҳтимол билан Испанияда давом эттиради. Ҳозирда унга “Сельта” клуби қизиқиш билдираётгани айтилмоқда.
Маркос Алонсо Сезарни виголиклар сафига чақирмоқда. Томонлар клублар ўртасидаги жаҳон чемпионатидан сўнг музокараларга киришиши кутилмоқда.
Розикжон Султонмуродов
Журналист
