Ашраф Ҳакими Сенегалнинг Марокашга қарши ўйинини бекор қилиш қарорини қўллаб-қувватлади
«ПСЖ» ва Марокаш терма жамоаси ҳимоячиси Ашраф Ҳакими Африка футбол конфедерациясининг (CAF) Африка Миллатлар Кубоги финалида Сенегалга техник мағлубият (0:3) ёзиш ҳақидаги қарори юзасидан ўз фикрларини билдирди.
«Сочиқлар билан боғлиқ вазиятда (марокашлик болбойлар Сенегал дарвозабони Эдуар Мендининг сочиғини олиб қўйишга уринишган) кўрсатган образимиздан фахрланмайман. Шуни қарамасдан, жамоамиз турнирда яхши ўйин кўрсатди. Биз рақибни ва мусобақани ҳурмат қилдик.
Спорт арбитраж суди (CAS) қарори футбол ва Африка манфаатлари йўлида қабул қилинишига умид қиламан. Ғалаба қозонишимизга ишонаман, чунки биз бунга лойиқмиз ва майдонни бу тарзда [Сенегал каби] тарк этиб бўлмайди», — дея Ҳакимининг сўзларини келтирмоқда Marca.
Маълумот учун, CAF Марокашнинг апелляциясини қондириб, 90+8-дақиқада Браим Диасга нисбатан ишлатилган қўполлик учун белгиланган пеналтидан сўнг майдонни тарк этган Сенегалга 0:3 ҳисобидаги техник мағлубият ёзган эди. Ўша баҳс 13 дақиқалик танаффусдан сўнг давом эттирилган ва қўшимча вақтларда сенегалликларнинг 1:0 ҳисобидаги ғалабаси билан якунланган эди. Ҳозирда Сенегал ушбу қарор устидан CAS’га шикоят қилган.
