АҚШ расмий тарзда футболни «футбол» деб аташи мумкин
Трамп маъмурияти «соккер» атамасини ўзгартириш масаласини кўриб чиқмоқда
Расм: gettyimages.com
АҚШ президенти Доналд Трамп маъмурияти мамлакатда оммалашган «соккер» атамасини расман «футбол»га алмаштириш бўйича фармон қабул қилиш имкониятини кўриб чиқмоқда.
Ушбу ташаббус ҳақидаги маълумот аввалроқ Daily Mail нашри орқали тарқалди. Манбага кўра, журналист томонидан берилган саволга жавобан Доналд Трамп бундай ўзгариш эҳтимолини рад этмади.
«Менимча, биз бунга эриша оламиз», — дея президент сўзларини келтиради нашр.
Мазкур баёнот АҚШда якунланган Клублар ўртасидаги жаҳон чемпионати ортидан янгради. 13 июл, якшанба куни бўлиб ўтган финалда «Челси» ПСЖ устидан 3:0 ҳисобида ғалаба қозонди. Доналд Трамп ушбу учрашувни стадионда шахсан кузатиб борди ва ғолибларни тақдирлаш маросимида қатнашди.
Бакрадзе Иман
Редактор
