Асенсио Испанияга қайтиши мумкин
Унинг “Фенербахче” билан амалдаги шартномаси 2028 йилгача мўлжалланган.
ФОТО: Getty images
“Фенербахче” футболчиси Марко Асенсио Испанияга қайтиши мумкин. Бу ҳақда журналист Экрем Конур хабар берди.
Манбага кўра, 30 ёшли футболчига “Севилья”, “Вильярреал” ва “Атлетико” қизиқиш билдирмоқда. Шунингдек, “Реал Сосиедад” ва “Бетис” ҳам вазиятни кузатиб бормоқда.
Бироқ туркияликлар раҳбарияти футболчини сотишни режалаштирмаяпти. Асенсио фаолияти бошида “Мальорка”да ўйнаган, энг ёрқин йилларини эса “Реал”да (2015–2023) ўтказган.
Маълумот учун,Чемпионлар Лигасининг 4 карра ғолиби бўлган футболчининг “Фенербахче” билан амалдаги шартномаси 2028 йилгача мўлжалланган.
Розикжон Султонмуродов
Журналист