Asensio Ispaniyaga qaytishi mumkin
Uning “Fenerbahche” bilan amaldagi shartnomasi 2028 yilgacha mo'ljallangan.
ФОТО: Getty images
“Fenerbahche” futbolchisi Marko Asensio Ispaniyaga qaytishi mumkin. Bu haqda jurnalist Ekrem Konur xabar berdi.
Manbaga ko'ra, 30 yoshli futbolchiga “Sevilya”, “Vilyarreal” va “Atletiko” qiziqish bildirmoqda. Shuningdek, “Real Sosedad” va “Betis” ham vaziyatni kuzatib bormoqda.
Biroq turkiyaliklar rahbariyati futbolchini sotishni rejalashtirmayapti. Asensio faoliyati boshida “Mallorka”da o'ynagan, eng yorqin yillarini esa “Real”da (2015–2023) o'tkazgan.
Ma'lumot uchun, Chempionlar Ligasining 4 karra g'olibi bo'lgan futbolchining “Fenerbahche” bilan amaldagi shartnomasi 2028 yilgacha mo'ljallangan.
Roziqjon Sultonmurodov
Jurnalist