Асадбек Жўрабоев: «Насаф»га қарши ўйинлар азалдан кескин курашлар остида кечган»
Ўзбекистон Суперлигасининг 27-туридан ўрин олган “Навбаҳор” – “Насаф” жамоалари ўртасидаги учрашув арафасида “лочинлар”нинг 21 ёшли маҳоратли ҳужумчиси Асадбек Жўрабоев бўлажак беллашув ҳақидаги фикрлари билан ўртоқлашди.
"Бўлажак рақибимиз – “Насаф” амалдаги мамлакат чемпиони ва жорий мавсумда ҳам ўз унвонини сақлаб қолишга ҳаракат қилмоқда. Шунингдек, “Навбаҳор”нинг “аждарлар”га қарши кечадиган учрашувлари азалдан кескин ва муросасиз курашлар остида кечган. Шу боис, бу сафарги баҳс ҳам бундан мустасно бўлмайди, албатта.
Ўтган ўйинда имкониятни бой бериб, мухлисларни ранжитиб қўйдик. Шу боис, бўлажак учрашувда ишқибозларга қувонч улашиш, ғалаба қозониш ниятида майдонда тушиб, буни амалга ошириш учун барча имкониятимизни ишга соламиз.
Мухлислардан эса жамоамизни ёлғизлатиб қўймасликлари, стадионда муносиб тарзда қўллаб-қувватлаб туришларини сўрайман. Биз эса қўлдан келганича, уларнинг уларнинг ишончларини оқлаш, уйларига хурсанд ҳолда қайтишларини таъминлашга ҳаракат қиламиз, - деди Асадбек Жўрабоев.
