Ҳарви Эллиот фаолиятини MLSда давом эттириши мумкин — Романо
Бироқ футболчи бу таклифга қизиқиш билдирмаяпти.
ФОТО: Getty Images
MLS клублари «Астон Вилла» яримҳимоячиси Ҳарви Эллиотга қизиқиш билдирмоқда. Бу ҳақда инсайдер Фабрицио Романо хабар берди.
Манбага кўра, MLS вакили бўлган «Шарлотт» клуби футболчини ижара асосида сафида кўриш имкониятини кўриб чиқмоқда. Бироқ Эллиот ҳозирча бу таклифга қизиқиш билдирмаяпти ва фаолиятининг ушбу босқичида MLSга ўтишни режалаштирмаган.
Жорий мавсумда инглиз футболчиси «Астон Вилла» сафида барча мусобақаларда 7 та учрашув ўтказиб, 1 та гол муаллифига айланган.
Маълумот ўрнида, Ҳарви Эллиот 2025 йил ёзида «Ливерпуль»дан ижара асосида Бирмингем клубига ўтганди. Унинг амалдаги шартномаси 2026 йил 20 июнгача амал қилади.
Насрулло Каримов
Журналист