Harvi Elliot faoliyatini MLSda davom ettirishi mumkin — Romano
Biroq futbolchi bu taklifga qiziqish bildirmayapti.
FOTO: Getty Images
MLS klublari «Aston Villa» yarimhimoyachisi Harvi Elliotga qiziqish bildirmoqda. Bu haqda insayder Fabritsio Romano xabar berdi.
Manbaga ko‘ra, MLS vakili bo‘lgan «Sharlott» klubi futbolchini ijara asosida safiga qo‘shib olish variantini ko‘rib chiqmoqda. Biroq Elliot hozircha bu taklifga qiziqish bildirmayapti va faoliyatining ushbu bosqichida MLSga ko‘chishni rejalashtirmagan.
Joriy mavsumda ingliz futbolchisi «Aston Villa» safida barcha musobaqalarda 7 ta uchrashuv o‘tkazib, 1 ta gol muallifiga aylangan.
Ma’lumot o‘rnida, Harvi Elliot 2025 yil yozida «Liverpul»dan ijara asosida Birmingem klubiga o‘tgandi. Uning amaldagi shartnomasi 2026 yil 20 iyungacha amal qiladi.
Nasrullo Karimov
Jurnalist