Артета Жезуснинг келажагига ойдинлик киритди
Бразилиялик футболчининг «Арсенал» билан тузган шартномаси 2027 йилда якунига етади.
ФОТО: Getty Images
«Арсенал» бош мураббийи Микел Артета жамоа ҳужумчиси Габриэл Жезуснинг яқинлашиб келаётган қишки трансферлар вақтида клубни тарк этишига рухсат бермади. Бу ҳақда Caught Offside нашри хабар бермоқда.
Манбага кўра, испаниялик мутахассис ҳали 28 ёшли футболчига ишонади ва унинг жароҳатдан кейин майдонга қайтишини кутяпти.
Жезус 2022 йил ёзидан бери «Арсенал» шарафини ҳимоя қилиб келмоқда. Шу вақт мобайнида у барча мусобақаларда 96 та учрашувда майдонга тушиб, 26 та гол урган ва 20 та голли узатмани амалга оширган.
Бразилиялик ҳужумчининг клуб билан тузган амалдаги шартномаси 2027 йилнинг ёзида якунига етади. Унинг Transfermarkt’даги нархи 25 миллион еврога баҳоланмоқда.
Насрулло Каримов
Журналист
