Артета: «Яхшиланишимиз керак бўлган жиҳатлар кўп»
«Арсенал» бош мураббийи Микель Артета жамоасининг ўртоқлик учрашувида «Бетис»га 1:3 ҳисобида мағлуб бўлганидан сўнг ўз фикрлари билан ўртоқлашди.
«Энг муҳими — ғалаба қозониш эди, аммо биз бунга эриша олмадик. Шунинг учун натижадан, албатта, кўнглимиз тўлмади. Бироқ бугунги ўйиннинг ўзига хос жиҳатларини ҳам инобатга олиш керак — майдонга 25 нафар футболчи туширилди.
Биринчи бўлимда, асосий таркиб вакиллари кўпроқ ҳаракат қилган вақтда, ўйинимизда икки хил манзарани кўрдим: тўп билан ҳаракат қилишимиз яхши эди, аммо рақибга қарши курашиш борасида талаб даражасида эмасдик.
Жуда яхши ўйин парчалари ҳам бўлди. Аммо ҳимоядаги ҳаракатларимиз, айниқса ўз жарима майдонимиз ичида ва унинг атрофидаги ўйинимиз биз ўрганган стандартларга мос келмайди. Албатта, яхшилашимиз керак бўлган жиҳатлар бор.
Шу билан бирга, ижобий томонлар ҳам етарлича бўлди. Баъзан салбий натижа ҳам фойда келтиради — у жамоадаги ички иштиёқ ва ғалабага бўлган чанқоқликни янада кучайтиради», — деди Артета клуб матбуот хизматига берган интервьюсида.
