Артета: \"Тарих ёзмоқдамиз ва янада кўпроғини хоҳлаймиз\"
Лондоннинг “Арсенал” жамоаси бош мураббийи Микел Артета “ПСЖ”га қарши чемпионлар лигасининг ярим финал дастлабки ўйини олдидан ўз фикрларини билдирди:
"Бу мавсумда уддалаш қийин бўлган йўлни босиб ўтдик ва ҳозир Европаининг энг кучли тўрт жамоасидан биримиз. Биз тарих яратяпмиз ҳамда бундан кўпроғини хоҳлаймиз. Ўйин учун ҳаяжонланмаяпман. Футболчиларимга айтдим, бутсиларизни, формангизни олиб кeлинг, биргаликда футбол ўйнаймиз. Мана шундагина биз умид қилган, биз кўришни хоҳлаган ўзгача нарсага эриша оламиз.
Клубда узоқ йиллардан бери катта ишларни амалга ошириб келинмоқда, аммо ҳозирча чемпионлар лигаси ғолиби бўлмаганмиз. Аввало финалга етиб боришимиз керак, ҳаммасини тез орада кўрамиз.
“ПСЖ” яхши шаклланган жамоа ва индивидуал ҳаракатга эга футболчилари ҳам ажойиб формада. Лекин, бизнинг жамоа ҳам шундай даражада. Бу босқичда ҳар икки жамоа ўртасидаги фарқ катта эмас.
Футболчи сифатида ўйнаганимда ҳам мураббий бўлиб ишлаяпганимда ҳам “Арсенал” мухлисларини алоҳида эътироф этган бўлардим. Биз биргаликда клубни ҳам мухлисларни ҳам қандай қудратга эга эканлигини кўрсатиб қўймоқчимиз",-дейди мутахассис
Эслатиб ўтамиз “Арсенал”-"ПСЖ" учрашуви 30 апрел куни Тошкент вақти билан 00:00 да бошланади.
