Артета Маресканинг истеъфосига муносабат билдирди
Аввалроқ «Челси» италиялик мутахассис билан хайрлашганди.
ФОТО: Getty Images
Англиянинг «Арсенал» клуби бош мураббийи Микел Артета «Челси»дан италиялик мутахассис Энцо Маресканинг кетиши борасида фикр билдирди. Лондон клуби Мареска билан хайрлашганини кеча, 1 январ куни расман эълон қилган эди.
«Унга фақат энг яхши тилакларимни билдираман. Мен Энзони ҳам инсон, ҳам профессионал сифатида жуда ҳурмат қиламан. Ўйлайманки, у “Челси”да ажойиб иш қилди. Қарор аллақачон қабул қилинган, энди эса унга фақат омад тилаш қолади», — дея Артета сўзларини келтиради «Челси» расмий сайти.
Айни пайтда «Челси» Англия Премьер-лигаси турнир жадвалида 19 ўйиндан сўнг 30 очко жамғариб, бешинчи ўринни эгаллаб турибди. «Арсенал» эса 45 очко билан чемпионат пешқадами бўлиб турибди.
Насрулло Каримов
Журналист