Артета: «Бу «Эмирейтс» стадионида бошдан кечирган энг унуилмас лаҳзаларимиздан бири бўлди»

«Арсенал» бош мураббийи Микел Артета Англия Премьер-лигасининг 30-тури доирасида «Эвертон»га (2:0) қарши кечган учрашувдан сўнг ўз фикрларини билдирди.

«Ўйиндан олдин футболчилар билан ҳар бир эпизодда ғалаба қозонишга бўлган тинимсиз интилиш ҳамда ўйин якунига қадар ижобий натижага эришишга бўлган ишонч ҳақида гаплашиб олган эдик. Майдонда кўрсатилган маҳорат шунчаки ҳайратланарли эди. Учрашув ҳеч кимимиз кутмаган тарзда якунланди. Бу «Эмирейтс» стадионида биргаликда бошдан кечирган энг унуилмас лаҳзаларимиздан бири бўлди», — дея таъкидлади Артета «канонирлар» расмий сайтига берган интервьюсида.

Айни дамда «Арсенал» 70 очко билан Англия чемпионати турнир жадвалида пешқадамлик қилмоқда.

Насрулло Каримов

Журналист