Arteta: «Bu «Emireyts» stadionida boshdan kechirgan eng unutilmas lahzalarimizdan biri boʻldi»

«Arsenal» bosh murabbiyi Mikel Arteta Angliya Premyer-ligasining 30-turi doirasida «Everton»ga (2:0) qarshi kechgan uchrashuvdan so‘ng o‘z fikrlarini bildirdi.

«O‘yindan oldin futbolchilar bilan har bir epizodda g‘alaba qozonishga bo‘lgan tinimsiz intilish hamda o‘yin yakuniga qadar ijobiy natijaga erishishga bo‘lgan ishonch haqida gaplashib olgan edik. Maydonda ko‘rsatilgan mahorat shunchaki hayratlanarli edi. Uchrashuv hech kimimiz kutmagan tarzda yakunlandi. Bu «Emireyts» stadionida birgalikda boshdan kechirgan eng unutilmas lahzalarimizdan biri bo‘ldi», — deya ta’kidladi Arteta «kanonirlar» rasmiy saytiga bergan intervyusida.

Ayni damda «Arsenal» 70 ochko bilan Angliya chempionati turnir jadvalida peshqadamlik qilmoqda.

Nasrullo Karimov

Jurnalist