Артета: «Ҳаммаси бизни фойдамизга ҳал бўлиши керак эди, лекин бугун бундай бўлмади»
Лондоннинг «Арсенал» клуби бош мураббийи Микел Артета Англия Премьер-лигасининг 33-тури доирасидаги «Манчестер Сити»га қарши баҳсдан (1:2) сўнг ўз фикрлари билан ўртоқлашди.
«Энг катта кўнгилсизлик шундаки, ўйин давомида кўп нарсани тўғри бажардик. Улларда саналган имкониятлар бўлди, биз эса энг хавфли вазиятларни яратдик, бироқ гол ура олмадик. Омад ҳам муҳим роль ўйнади, тўпнинг дарвоза устунига тегиши эса жуда аламли бўлди. Ҳаммаси бизнинг фойдамизга ҳал бўлиши керак эди, лекин бугун бундай бўлмади. Биз имкониятни қўлдан бой бердик ва бу натижага таъсир қилди. Улларда захира ўйини бор, бизда эса уч очколик устунлик. Кураш давом этади, чунки бу — янги Премьер-лига», — дея Артета сўзларини келтирмоқда BBC.
Ушбу ўйиндан сўнг «Манчестер Сити» 67 очко билан Англия олий дивизиони турнир жадвалида иккинчи ўринни эгаллаб турибди. «Арсенал» эса 70 очко билан пешқадамликни сақлаб қолди. Таъкидлаш жоизки, «шахарликлар» ҳисобида ҳали битта захира ўйини мавжуд.
Навбатдаги турда, 22 апрель куни «Манчестер Сити» сафарда «Бёрнли» меҳмони бўлса, «тўпчилар» 25 апрель куни ўз майдонларида «Ньюкасл»ни қабул қилишади.
