«Арсенал»нинг АПЛ чемпионлиги учун имкониятлари 91,41 фоиз дея баҳоланмоқда – Opta
Opta суперкомпютери тахминларини янгилади.
ФОТО: Getty images
“Арсенал”нинг АПЛда чемпион бўлиш имкониятлари ошди.
Артета шогирдлари 25 турдан сўнг 56 очко тўплаб, турнир жадвалида пешқадам бўлиб турибди. Лондонликлар “Манчестер Сити”дан 6 очко, “Астон Вилла”дан эса 9 очко олдинда.
Opta суперкомпютери “тўпчилар”нинг АПЛда чемпион бўлиш эҳтимолини 91,41 фоизга баҳолади. 23-турдан кейин “Арсенал”нинг ғалаба қозониш имконияти 84,44 фоизни ташкил этганди.
“Манчестер Сити”нинг чемпионлик имконияти 7,09 фоизга етган. “Астон Вилла” — 1,36 фоиз, “Челси” — 0,11 фоиз, “Манчестер Юнайтед” — 0,02 фоиз, “Ливерпуль” — 0,02 фоиз деб баҳоланган.
Opta ҳисоб-китобларига кўра, АПЛда қолган жамоаларнинг чемпионлик учун имконияти йўқ.
Розикжон Султонмуродов
Журналист