«Арсенал»нинг АПЛ чемпиони бўлиш имкониятлари ошди – Opta

"Арсенал" Opta талқини бўйича АПЛнинг асосий фаворитига айланди.

Микель Артета жамоаси 7-турда "Вест Хэм"ни мағлуб этиб (2:0), "Ливерпуль"ни ортда қолдирган ҳолда Англия чемпионати турнир жадвалида 1-ўринга чиқиб олди. Лондонликлар очколари сонини 16 тага етказди.

Opta суперкомпьютери мавсумнинг қолган қисми учун 10 000 та симуляция ўтказди ва 41,58% ҳолларда "канонирлар" ғолиб чиқди.

Қайд этилишича, "Ливерпуль" - 35,74%, "Манчестер Сити" - 10,74%, "Кристал Пэлас" - 4,77%, "Челси" - 2,02%, "Борнмут" - 1,25%, "Ньюкасл" - 1,07%, "Тоттенхэм" - 0,98%, "Манчестер Юнайтед" - 0,08% эҳтимол билан чемпион бўлади.

Розикжон Султонмуродов

Журналист