«Арсенал» Зинченконинг «Аякс»га ўтишида қанча фойда кўриши маълум бўлди
Лондоннинг «Арсенал» клуби чап қанот ҳимоячиси ва Украина терма жамоаси аъзоси Александр Зинченко АПЛни тарк этиб, Нидерландия чемпионатига кўчиб ўтишга яқин турибди.
Таниқли инсайдер Фабрицио Романонинг ижтимоий тармоқлардаги хабарига кўра, бугун, 30 январь куни футболчи Амстердамга йўл олади ва у ерда маҳаллий «Аякс» клуби билан шартнома имзолайди.
Ушбу трансфернинг молиявий тафсилотлари ҳам маълум: Амстердам клуби Зинченко учун «канонирлар»га 1,5 миллион евро тўлайди. Шунингдек, келишувда футболчининг Чемпионлар Лигасидаги кўрсаткичларига қараб қўшимча бонуслар ҳам кўзда тутилган.
Маълумот ўрнида, Александр жорий мавсумнинг биринчи қисмини ижара асосида «Ноттингем Форест» сафида ўтказди. У «ўрмончилар» таркибида 10 та учрашувда майдонга тушди, бироқ самарали ҳаракатларни амалга ошира олмади. Тажрибали ҳимоячининг «Арсенал» билан амалдаги битими 2026 йилнинг июнига қадар мўлжалланган эди.
