«Арсенал» жорий мавсум Чемпионлар Лигасида мағлубиятга учрамаган ягона клуб бўлиб турибди

Лондоннинг «Арсенал» клуби УЕФА Чемпионлар Лигасининг бирорта ҳам мағлубиятга учрамаган ягона жамоа бўлиб турибди. Чорак финал жавоб учрашувида «тўпчилар» «Спортинг» билан дуранг ўйнашди (0:0) ва турнирнинг яримфиналига йўлланмани қўлга киритишди.

Жамоалар ўртасидаги бир ҳафта олдин бўлиб ўтган дастлабки ўйинда лондонликлар минимал (1:0) ҳисобда ғалаба қозонишган эди. Микел Артета шогирдлари умумий босқични ҳам ҳисобга олганда, жами 12 та учрашувнинг 10 тасида ғалаба қозониб, 2 бор дуранг қайд этишди.

Чемпионлар Лигасининг 1/2 финалида «Арсенал» Мадриднинг «Атлетико» жамоасига қарши майдонга тушади. Бир кун аввал «матрасчилар» икки ўйин натижасига кўра «Барселона»дан устун келиб (2:0, 1:2), яримфиналга чиққан эдилар.

Насрулло Каримов

Журналист