«Арсенал» ярим ҳимоячиси А Серия клубига ўтиши мумкин
Фото: Getty Images
“Арсенал” ярим ҳимоячиси Фабиу Виейра фаолиятини Италия чемпионатида давом эттириши мумкин.
TUTTOmercatoWEB нашри хабарига кўра, “Парма” клуби унга қизиқмоқда. Клубнинг янги бош мураббийи Карлос Куэста ўзи Шимолий Лондонда мураббийлик қилган футболчи билан яна бирга ишлашга интилмоқда.
Футболчи 2022 йилда 35 миллион евро ва 5 млн бонус эвазига “Порту”дан “канонирлар” сафига келиб қўшилганди.
Эслатиб ўтамиз, Виейра 2024/25 йилги мавсумда "Порту" сафида 42 та ўйинда майдонга тушган. У 5 та гол уриб, 6 та ассист берди.
Баҳром Бобонов
Редактор
