«Арсенал» Влаховични ўз сафига қўшиб олмоқчи

Лондоннинг «Арсенал» клуби Туриннинг «Ювентус» жамоаси ҳужумчиси Душан Влаховичга қизиқиш билдирмоқда. Бу ҳақда One Football нашри Mundo Deportivo манбасига таяниб хабар тарқатди.

Манба маълумотига кўра, «канонирлар» 26 ёшли форвардни бепул тарзда ўз сафига қўшиб олиши мумкин. Чунки футболчининг «Ювентус» билан шартномаси 2025/2026 йилги мавсум якунида тугайди. Кутилмоқдаки, Влахович ёзги трансфер ойнасида клубни тарк этади.

Шунингдек, сербиялик ҳужумчига мадриднинг «Атлетико», «Милан» ҳамда «Бавария» клублари ҳам қизиқиш билдирмоқда.

Жорий мавсумда Влахович «Ювентус» сафида 18 та учрашувда иштирок этиб, 5 та гол ва 1 та ассист қайд этган. Transfermarkt маълумотига кўра, футболчининг бозор қиймати 35 миллион еврога баҳоланмоқда.

Розикжон Султонмуродов

Журналист