«Арсенал» Винисиусни диққат билан кузатмоқда
Футболчига қизиқиш билдирган бир нечта клуб билан дастлабки алоқалар ҳам ўрнатилган.
ФОТО: Getty images
Лондоннинг «Челси» клуби «Реал» Мадрид ҳужумчиси Винисиус Жуниорнинг вазиятини диққат билан кузатиб бормоқда.
Инсайдер Экрем Конурнинг ижтимоий тармоқда маълум қилишича, бразилиялик футболчининг вакиллари Англия Премьер-лигасининг бешта клубига Винисиус фаолиятини Англияда давом эттириш эҳтимолини истисно қилмаётганини маълум қилган.
Манбага кўра, футболчига қизиқиш билдирган бир нечта клуб билан дастлабки алоқалар ҳам ўрнатилган.
Қайд этилишича, агар Винисиус трансфер бозорида сотувга қўйилса, «Челси» уни қўлга киритиш учун йирик маблағ сарфлаш имкониятини кўриб чиқишга тайёр.
Аввалроқ турли манбалар Винисиус Жуниорнинг «Реал»даги жамоадоши Килиан Мбаппе билан муносабатлари таранг экани ҳақида хабар берган эди.
Розикжон Султонмуродов
Журналист