«Арсенал» вингери Мартинелли Саудияга кўчиб ўтиши мумкин

«Арсенал» вингери Габриэл Мартинелли фаолиятини Саудия Арабистонида давом эттириши мумкин.

Инсайдер Фабрицио Романо маълумотига кўра, «Ал-Ҳилол» бразилиялик футболчини қанот ҳужуми позицияси учун ўзининг қисқа рўйхатига киритган. Рўйхатда жами уч нафар футболчи бор, улардан бири — «Челси» португалиялик вингери Педру Нету.

Мартинеллининг ўзи эса Европада қолишни афзал кўрмоқда. Бироқ «Ал-Ҳилол» уни асосий мақсад сифатида танласа, саудияликларнинг молиявий жиҳатдан жозибадор таклифи футболчининг фикрини ўзгартириши мумкин.

Аввалроқ Мартинеллига Италиянинг «Наполи» ва Туркиянинг «Галатасарай» клублари қизиқиш билдиргани ҳақида хабарлар тарқалганди.

Розикжон Султонмуродов

Журналист

0 0 0 0 0 0