«Arsenal» vingeri Martinelli Saudiya Arabistoniga ko‘chib o‘tishi mumkin
Martinellining o‘zi esa Yevropada qolishni afzal ko‘rmoqda.
ФОТО: Getty images
"Arsenal" vingeri Gabriel Martinelli faoliyatini Saudiya Arabistonida davom ettirishi mumkin.
Insayder Fabrizio Romano ma'lumotiga ko‘ra, "Al-Hilol" braziliyalik futbolchini qanot hujumi pozitsiyasi uchun o‘zining qisqa ro‘yxatiga kiritgan. Ro‘yxatda jami uch nafar futbolchi bor, ulardan biri — "Chelsi"ning portugaliyalik vingeri Pedru Netu.
Martinellining o‘zi esa Yevropada qolishni afzal ko‘rmoqda. Biroq "Al-Hilol" uni asosiy maqsad sifatida tanlasa, saudiya klubi tomonidan moliyaviy jihatdan jozibador taklif futbolchining fikrini o‘zgartirishi mumkin.
Avvalroq Martinelliga Italiyaning "Napoli" va Turkiyaning "Galatasaray" klublari qiziqish bildirgani haqida xabarlar tarqalgan edi.
Roziqjon Sultonmurodov
Jurnalist