«Арсенал» ва «Тоттенҳэм» Антонио Нуса учун курашмоқда
«РБ Лейпциг» Нусани тахминан 59 миллион еврога баҳолаган.
ФОТО: Getty images
Лондоннинг «Арсенал» ва «Тоттенҳэм» клублари «РБ Лейпциг» вингери Антонио Нусани ўз сафига қўшиб олишга қизиқиш билдирмоқда. Бу ҳақда TEAMtalk хабар берди.
Манбага кўра, ҳар икки клуб 21 ёшли Норвегия терма жамоаси футболчисининг ўйинларини диққат билан кузатиб бормоқда.
«РБ Лейпциг» Нусани тахминан 59 миллион еврога баҳолаган.
Шунингдек, футболчига «Барселона» ҳам қизиқиш билдирмоқда. Бироқ маълумотларга кўра, Нусанинг ўзи фаолиятини Англия Премьер-лигасида давом эттиришга мойил.
2025/26 йилги мавсумда норвегиялик вингер Бундеслигада 31 та ўйин ўтказиб, 4 та гол урди ва 3 та голли узатма амалга оширди.
Розикжон Султонмуродов
Журналист
