“Арсенал” ва “Манчестер Юнайтед” “Шахтёр” иқтидорига қизиқмоқда

Англиянинг икки гранди — “Арсенал” ва “Манчестер Юнайтед” Донецкнинг “Шахтёр” клуби ҳужумчиси Кауa Элиасни кузатиб бормоқда. Сўнгги маълумотларга кўра, ҳар икки клуб скаутлари футболчининг ўйинларини жойида кузатган ва унинг имкониятларини ижобий баҳолаган.

20 ёшли бразилиялик форвард яқинда Украина чемпионатида “Кудривка”га қарши баҳсда хет-трик қайд этиб, Европанинг бир қатор клублари эътиборини тортди. Футболчига, шунингдек, “Милан” ва “Порту” ҳам қизиқиш билдирмоқда.

Манбаларга кўра, “Шахтёр” Кауa Элиасни тахминан 30 миллион фунт стерлингга баҳоламоқда. Ҳозирча клублар томонидан расмий таклиф юборилгани ҳақида маълумот йўқ.

Насрулло Каримов

Журналист

0 0 0 0 0 0