“Арсенал” ва “Манчестер Юнайтед” “Байер” ҳимоячиси учун курашмоқда
Англиянинг “Арсенал” ва “Манчестер Юнайтед” клублари Леверкузеннинг “Байер” жамоаси ҳимоячиси Жаррелл Куансани ўз сафларига қўшиб олишга қизиқиш билдирмоқда. FootballTransfers журнали мухбири Стив Кей маълумотига кўра, ҳар икки клуб 23 ёшли англиялик футболчининг трансфери бўйича дастлабки ҳаракатларни бошлаган.
“Арсенал” Куанса трансфери юзасидан “Байер” билан музокараларга киришган. “Манчестер Юнайтед” эса футболчининг вакиллари билан боғланиб, эҳтимолий трансфер шартларини муҳокама қилмоқда. Ҳимоячининг марказда ҳамда ўнг қанотда ўйнай олиши Премьер-лига клубларининг унга бўлган қизиқишини оширган.
Ҳозирча Куанса учун курашда “Арсенал”нинг имконияти юқорироқ баҳоланмоқда. Шу билан бирга, “Байер” ўз футболчисини осонлик билан қўйиб юбормоқчи эмас. Леверкузен клуби ҳимоячи учун 2025 йилда “Ливерпуль”га тўлаган 35 миллион евронидан сезиларли даражада кўпроқ маблағ талаб қилиши кутилмоқда.
Маълумот учун, Куанса 2025 йилда “Ливерпуль”дан “Байер”га 35 миллион евро эвазига кўчиб ўтган. “Ливерпуль”да футболчини жорий ёзда 80 миллион еврога қайтараб сотиб олиш имконияти бўлган, бироқ ушбу банднинг амал қилиш муддати якунланган. Англия клуби келаси йили эса ҳимоячини 60 миллион еврога қайтариш имкониятига эга бўлиши мумкин.
