“Арсенал” ва “Манчестер Юнайтед” 65 млн еврога ҳимоячи сотиб олиши мумкин

“Арсенал” ва “Манчестер Юнайтед” “Порту”нинг ўнг қанот ҳимоячиси Алберту Костага қизиқиш билдирмоқда. Журналист Экрем Конурнинг маълумотига кўра, 22 ёшли португалиялик футболчи АПЛ клублари эътиборига тушган.

Костанинг “Порту” билан шартномасида 65 миллион евролик товон пули белгиланган. Шу сабабли футболчини трансфер қилишни истаган клублар ушбу бандни фаоллаштириши мумкин.

Алберту Коста “Порту” сафида 2025-йил ёзидан буён тўп тепмоқда. Унинг клуб билан амалдаги шартномаси 2030-йил июнигача мўлжалланган.

Маълумот учун, Алберту Коста аввал “Витория Гимараеш” сафида фаолият юритган, 2025-йил январь ойида эса “Ювентус”га ўтган. Орадан олти ой ўтиб, у “Порту” сафига қўшилган.

Насрулло Каримов

Журналист

0 0 0 0 0 0