“Arsenal” va “Manchester Yunayted” 65 mln yevroga himoyachi sotib olishi mumkin

“Arsenal” va “Manchester Yunayted” “Portu”ning o‘ng qanot himoyachisi Albertu Kostaga qiziqish bildirmoqda. Jurnalist Ekrem Konurning ma’lumotiga ko‘ra, 22 yoshli portugaliyalik futbolchi APL klublari e’tiboriga tushgan.

Kostaning “Portu” bilan shartnomasida 65 million yevrolik tovon puli belgilangan. Shu sababli futbolchini transfer qilishni istagan klublar ushbu bandni faollashtirishi mumkin.

Albertu Kosta “Portu” safida 2025-yil yozidan buyon to‘p tepmoqda. Uning klub bilan amaldagi shartnomasi 2030-yil iyunigacha mo‘ljallangan.

Ma’lumot uchun, Albertu Kosta avval “Vitoriya Gimaraes” safida faoliyat yuritgan, 2025-yil yanvarida esa “Yuventus”ga o‘tgan. Oradan olti oy o‘tib, u “Portu” safiga qo‘shilgan.

Nasrullo Karimov

Jurnalist

0 0 0 0 0 0