“Арсенал” ва “Манчестер Сити” “Олтин тўп”га номзод ҳимоячига қизиқмоқда
“Арсенал” ва “Манчестер Сити” ПСЖнинг марказий ҳимоячиси Вильян Пачони ўз сафига қўшиб олиш имкониятини кўриб чиқмоқда. 24 ёшли эквадорлик футболчи 2026-йилги “Олтин тўп” учун 30 нафар номзод қаторидан жой олган.
Манбага кўра, Англиянинг икки гранди Пачо атрофидаги вазиятни кузатмоқда. Бироқ трансферни амалга ошириш осон бўлмайди — ҳимоячи яқинда ПСЖ билан шартномасини 2031-йилгача узайтирди.
Пачо жорий мавсумда парижликлар сафида барча мусобақаларда 6 та учрашувда майдонга тушган. Эквадорлик ҳимоячи қисқа вақт ичида ПСЖ мудофаасининг асосий футболчиларидан бирига айланди.
Маълумот учун, Пачо ПСЖга 2024-йилда Франкфуртнинг “Айнтрахт” клубидан келиб қўшилган. У Париж клуби билан кетма-кет икки марта Чемпионлар Лигасида ғолиб чиққан ва ҳозирга қадар ПСЖ сафида 100 дан ортиқ учрашув ўтказган.
