“Arsenal” va “Manchester Siti” “Oltin to‘p”ga nomzod himoyachiga qiziqmoqda
“Arsenal” va “Manchester Siti” PSJning markaziy himoyachisi Vilyan Pachoni o‘z safiga qo‘shib olish imkoniyatini ko‘rib chiqmoqda. 24 yoshli ekvadorlik futbolchi 2026-yilgi “Oltin to‘p” uchun 30 nafar nomzod qatoridan joy olgan.
Manbaga ko‘ra, Angliyaning ikki grandi Pacho atrofidagi vaziyatni kuzatmoqda. Biroq transferni amalga oshirish oson bo‘lmaydi — himoyachi yaqinda PSJ bilan shartnomasini 2031-yilgacha uzaytirdi.
Pacho joriy mavsumda parijliklar safida barcha musobaqalarda 6 ta uchrashuvda maydonga tushgan. Ekvadorlik himoyachi qisqa vaqt ichida PSJ mudofaasining asosiy futbolchilaridan biriga aylandi.
Ma’lumot uchun, Pacho PSJga 2024-yilda Frankfurtning “Ayntraxt” klubidan kelib qo‘shilgan. U Parij klubi bilan ketma-ket ikki marta Chempionlar Ligasida g‘olib chiqqan va hozirga qadar PSJ safida 100 dan ortiq uchrashuv o‘tkazgan.
