«Arsenal» ва Испания миллий жамоаси аъзоси Мартин Зубименди жароҳат олди
Лондоннинг «Arsenal» клуби ва Испания терма жамоаси яримҳимоячиси Мартин Зубименди миллий жамоа ихтиёрида бўлган вақтида жароҳат орттириб олди.
«Мартин Зубименди ўнг тиззасидаги оғриқлар сабабли Испания терма жамоаси таркибини тарк этди. Хавф-хатарнинг олдини олиш ва футболчининг соғлиғини ҳимоя қилиш мақсадида у жамоадан четлатилди. «Arsenal» тиббий ходимлари юзага келган вазият ҳақида хабардор қилинди», — дейилади Қироллик Испания футбол федерациясининг расмий сайтида.
Жорий мавсумда испаниялик футболчи барча турнирлар доирасида 44 та ўйинда майдонга тушиб, 6 та гол ва 2 та голли узатмани ўз ҳисобига ёздириб қўйди. Футболчининг клуб билан амалдаги шартномаси 2030 йилнинг ёзига қадар мўлжалланган. Transfermarkt портали маълумотларига кўра, яримҳимоячининг бозор қиймати 80 миллион еврони ташкил этади.
