«Арсенал» ва «Челси» Алваресга қизиқиш билдирмоқда
Футболчи Мадрид клубини тарк этишга қарши эмас.
ФОТО: Getty images
“Атлетико” ҳужумчиси Хулиан Алварес ёзда яна Англияга қайтиши мумкин. Бу ҳақда TEAMtalk хабар берди.
Манбага кўра, “Арсенал” ва “Челси” скаутлари мадридликларнинг “Тоттенҳэм”га қарши Европа Чемпионлар лигаси доирасидаги баҳсида аргентиналик футболчини кузатиш учун стадионда бўлган.
Хабарларга кўра, Алварес клуб раҳбариятига трансферга тайёр эканини билдирган, бироқ у “Барселона”га ўтишни афзал кўрмоқда. Шунингдек, “Бавария” ҳам Хулиан атрофидаги вазиятни диққат билан кузатмоқда.
Эслатиб ўтамиз, футболчи аввал Англияда “Манчестер Сити” сафида тўп тепган.
Розикжон Султонмуродов
Журналист