\"Арсенал\" Уильямсга қанча маош таклиф қилгани маълум бўлди
Фото: Getty Images
"Атлетик" вингери Нико Уильямс Лондоннинг "Арсенал" клуби футболчисига айланиши мумкин.
Diario Sport хабарига кўра, "Арсенал" раҳбарияти 22 ёшли футболчига йиллик 9 миллион евро маош таклиф қилган.
Испанияликнинг "Атлетик" билан шартномаси 2027 йилгача мўлжалланган. Нуфузли Transfermarkt портали маълумотларига кўра, футболчининг нархи 70 миллион еврони ташкил этади.
Нико Уильямс жорий мавсумда барча мусобақаларни қўшиб ҳисоблаганда 45 та ўйинда майдонга тушиб, 11 марта рақиблар дарвозасини ишғол қилди ва еттита самарали узатмани амалга оширди.
