«Arsenal» учта ўйиндан иборат ғалабасиз сериясига чек қўйди
Англия Премьер-лигасининг 24-турида Лондоннинг «Arsenal» жамоаси сафарда «Лидс Юнайтед» устидан йирик 4:0 ҳисобида ғалаба қозонди. Микел Артета шогирдлари ушбу муваффақият орқали чемпионатдаги омадсиз сериясига якун ясашди.
«Канонирлар» ушбу баҳсгача ўтказилган учта ўйинда ғалаба нима эканини билмай келаётган эди. Эслатиб ўтамиз, Лондон клуби бунгача «Ливерпул» (0:0) ва «Ноттингем Форест» (0:0) билан дуранг ўйнаган, «Манчестер Юнайтед»га эса (2:3) имкониятни бой берган эди. «Лидс» устидан қозонилган ишончли ғалаба жамоанинг руҳий ҳолатини тиклаш учун айнан муддао бўлди.
Ушбу ғалабадан сўнг «Arsenal» очколарини 53 тага етказиб, турнир жадвалида етакчилигини давом эттирмоқда.
«Arsenal» ўзининг кейинги учрашувини 7 февраль куни «Сандерленд»га қарши ўтказади.
