\"Арсенал\" Тсолис трансфери бўйича келишувга эришди

Лондоннинг "Арсенал" клуби Бельгиянинг "Брюгге" жамоаси вингери Христос Тсолис трансфери бўйича келишувга эришди. Нуфузли журналист Девид Орнстейн хабарига кўра, трансфер суммаси 40 миллион еврони ташкил этади.

Маълумотларга кўра, томонлар трансфернинг асосий шартларини келишиб олган. Энди футболчи тиббий кўрикдан ўтиши ва шахсий шартнома бўйича якуний ҳужжатларни имзолаши кутилмоқда.

24 ёшли грек вингер ўтган мавсум "Брюгге" сафида юқори савияда ҳаракат қилиб, жамоанинг Бельгия чемпиони бўлишида муҳим роль ўйнади. У барча мусобақаларда 22 та гол уриб, 29 та голли узатма амалга оширди.

Қайд этилишича, Тсолис Леандро Троссарнинг ўрнини эгаллаши кутилмоқда. Бельгиялик футболчи яқинда Туркиянинг "Бешиктош" клубига кўчиб ўтган эди.

Насрулло Каримов

Журналист