«Арсенал» Скотт Мактоминейга қизиқиш билдирмоқда
Лондоннинг «Арсенал» клуби «Наполи» яримҳимоячиси Скотт Мактоминейга қизиқиш билдирмоқда. Бу ҳақда TEAMtalk хабар берди.
Манбага кўра, футболчига «Тоттенхэм», «Эвертон» ҳамда унинг собиқ жамоаси «Манчестер Юнайтед» ҳам кўз тиккан.
Қайд этилишича, «Наполи» бош мураббийи Антонио Конте 28 ёшли яримҳимоячини жамоанинг энг муҳим футболчиларидан бири деб ҳисоблайди. Шу боис италияликлар Мактоминейни 80 миллион евродан камига қўйиб юборишни режалаштирмаяпти.
Ўйинчининг ўзи ҳам Неаполда ўзини бахтли ҳис қилмоқда ва Англияга қайтишни фақат энг мақбул таклиф бўлган тақдирдагина кўриб чиқади.
Маълумот учун, Мактоминей жорий мавсум барча турнирлар доирасида 14 та ўйинда майдонга тушиб, 4 та гол ва 1 та голли узатмага муаллифлик қилди. Унинг клуб билан амалдаги шартномаси 2028 йилнинг ёзигача мўлжалланган.
