«Арсенал» Салиба билан шартномани узайтиришга яқин
Салиба 2019 йилдан буён “тўпчилар"да ўйнаб келмоқда.
ФОТО: Getty images
“Арсенал” клуби ҳимоячи Уилям Салиба жамоа билан янги шартнома борасида келишувга эришди. Бу ҳақда The Athletic нашри хабар бермоқда.
Манбага кўра, 24 ёшли француз футболчиси билан битим яқин кунларда имзоланиши мумкин.
Музокаралар май ойидаёқ бошланган бўлиб, шу даврда Салибага Мадриднинг “Реал” клуби ҳам жиддий қизиқиш билдирган эди.
Салиба 2019 йилдан буён “Арсенал”да ўйнаб келмоқда. Жорий мавсумда у клуб сафида жами 5 та ўйинда майдонга тушиб, битта голга ассистентлик қилди. Унинг Transfermarkt'даги нархи 40 миллион еврога баҳоланмоқда.
Розикжон Султонмуродов
Журналист