«Арсенал» Райс билан шартномани узайтирмоқчи

Лондоннинг «Арсенал» клуби ярим ҳимоячиси Деклан Райс яқин вақт ичида жамоа билан янги шартнома имзолаши мумкин.

Футболчининг амалдаги шартномаси 2028 йилгача мўлжалланган. Бироқ томонлар келишувни узайтириш бўйича музокараларни аллақачон бошлаган. Бу ҳақда afcnewsroom хабар берди.

Янги шартнома 2031 йилгача амал қилиши кутилмоқда. Агар келишув имзоланса, Райс «Арсенал»нинг энг юқори маош олувчи футболчилари қаторига қўшилади. Унга тахминан Букайо Сака билан бир хил маош тўланиши режалаштирилмоқда.

Деклан Райс 2023 йил ёзида «Вест Хэм»дан «Арсенал»га 116 миллион евродан ортиқ сумма эвазига кўчиб ўтган. Англиялик футболчи «канонирлар» сафида 165 та учрашув ўтказиб, 21 та гол урган ва 33 та голли узатмани амалга оширган.

Розикжон Султонмуродов

Журналист

0 0 0 0 0 0