“Арсенал” Нони Мадуэкени қишда қўйиб юбормайди
“Арсенал” вингери Нони Мадуэке қишки трансфер ойнасида жамоани тарк этмайди. Лондон клуби бош мураббийи Микель Артета футболчининг ўйин вақти кам бўлаётганига қарамай, уни таркибда сақлаб қолишни истамоқда. Бу ҳақда Football Insider хабар бермоқда.
Манбага кўра, Мадуэкега “Атлетико Мадрид” ва “Ювентус” қизиқиш билдирган. Бироқ Артета футболчи бўйича келиб тушадиган таклифларни рад этиш ниятида. Мадуэкенинг ўзи ҳам “Арсенал”да қолиб, асосий таркибдаги ўрин учун курашмоқчи.
24 ёшли инглиз футболчиси жорий мавсумда АПЛда асосан захирадан майдонга тушмоқда. Шунга қарамай, у Лига кубогида “Ипсвич”га қарши учрашувда гол уришга муваффақ бўлди. “Арсенал” барча мусобақаларда совринлар учун курашаётгани сабаб Артета таркиб чуқурлигини сақлаб қолишни муҳим деб ҳисобламоқда.
Маълумот учун, Мадуэке жорий мавсумда “Арсенал” сафида барча мусобақаларда 5 та учрашувда майдонга тушиб, 1 та гол урган.
